Labour પોતાના સાથીઓ અને ક્ષેત્રીય સત્તાઓ સાથે ભાગીદારીઓનું નિર્માણ કરશે અને તેને મજબૂત બનાવશે જેથી કરીને દેશમાં અને દેશની બહાર સલામતી અને સમૃદ્ધિ પૂરી પાડી શકાય.
સમગ્ર વિશ્વમાં આપણી સાંસ્કૃતિ કડીઓને વધારવા માટે આપણા વિદેશમાં વસેલા સમુદાયો સાથે કામ કરીશું, તેઓ UK અને તેમના સમુદાયોમાં જે યોગદાન કરે છે તેને બિરદાવીશું.
Labour ની સત્તા હેઠળ બ્રિટન આમ કરશે
- વૈશ્વિક ફલક ઉપર મજબૂત બનશે અને તેની વાત અન્યો ધ્યાન પર લે તે સુનિશ્ચિત કરશે
- આપણા રાષ્ટઈય હિતોને પામવા માટેના પગલાંઓમાં આત્મવિશ્વાસુ બનશે
- વિશ્વભરમાં આપના સહયોગીઓ અને સાથીદારો સાથે ફરીથી જોડાણ બનાવીશું
- સમગ્ર વિશ્વમાં નવી આધુનિક ભાગીદારીઓ સ્થાપીશું
- માનવ અધિકારો તથા આંતરરાષ્ટ્રીય કાયદાને પ્રસ્થાપિત કરીશું
- બ્રિટનના વિદેશમાં રહેતા નિવાસીઓ સાથે નાણાં દેશમાં મોકલવા સાથે સંકળાયેલા છૂપા ખર્ચા સહિતની બાબતો પર કામ કરીશું
ભારત સાથે ભાગીદારી અંગે Labour
- બ્રિટિશ ભારતીય સમુદાય એ આધુનિક બ્રિટનનો એક અભિન્ન ભાગ છે, અને તેઓ બ્રિટિશ જીવનના તમામ પાસાંઓ, NHS થી લઈને બ્રિટિશ વેપારમાં તેઓ જે અમૂલ્ય યોગદાન કરે છે તેને Labour બિરદાવે છે.
- ભારત એક વૈશ્વિક પરિબળ છે, એક ઝડપથી વિકસી રહેલું અર્થતંત્ર છે અને યુનાઇટેડ કિંગ્ડમ માટે એક ચાવીરૂપ ભાગીદાર છે. Labour પાર્ટીની સરકાર આપણા તેમની સાથેના આધુનિક યુગના સંબંધને વધુ ઊંડા બનાવવા માટે પ્રતિબદ્ધ હશે.
- Labour હરિત ટેક્નોલૉજી, આર્થિક સલામતી, ઘરેલુ સલામતી અને વૈશ્વિક સલામતી પર કેન્દ્રિત હોય તેવી એક નવી વ્યૂહાત્મક ભાગીદારીની સ્પષ્ટ જરુરને સમજે છે.
- ભારત એક વૈવિધ્યતા ભરેલો દેશ છે, અને, કોઈપણ લોકતંત્રની જેમ તેણે લઘુમતી અધિકારો, વાણી સ્વાતંત્રય અને માનવ અધિકારો માટે આદર સહિતના, મૂળભૂત અધિકારોને પ્રસ્થાપિત કરવા જોઈએ અને તેમનું રક્ષણ કરવું જોઈએ.
ગાઝા
Labour સંઘર્ષનો કાયમી અંત તેમજ લાંબાગાળાની શાંતિ અને સલામતી જોવા ઇચ્છે છે. અમે આમને માટે માંગ કરતા આવ્યા છીએ
- બંને પક્ષો દ્વારા તાત્કાલિક યુદ્ધવિરામ અનુસરવામાં આવે
- ગાઝા માટે વિના અવરોધ રાહતસામગ્રી સુગમ હોવી અને તેમાં ઝડપી વધારો
- તમામ બંધકોની તાત્કાલિક મુક્તિ
- UK દ્વારા ઇઝરાયલને વેચવામાં આવેલા કોઈપણ હથિયારો કે સાધનોને રાફાહ પરના પૂર્ણસ્વરૂપના હુમલામાં ઉપયોગમાં લેવામાં આવશે નહિ, જો અમને ચૂંટી કાઢવામાં આવે તો હથિયારોની નિકાસ પરની કાનૂની સલાહનું મૂલ્યાંકન કરીશું, અને એ સલાહ પર અમલ કરીને એ સુનિશ્ચિત કરીશું કે UK પોતાની આંતરિક અને આંતરરાષ્ટ્રીય જવાબદારીઓનું પાલન કરે છે.
- આંતરરાષ્ટ્રીય કાયદાનું પાલન કરાશે, અને આંતરરાષ્ટ્રીય અદાલતોની સ્વતંત્રતાનો આદર કરાવો અનિવાર્ય રહેશે, અને તમામ પક્ષો પોતાના કૃત્યો માટે ઉત્તરદાયિ હોવા અનિવાર્ય હશે.
- એક સલામત અને સુરક્ષિત ઈઝરાયલ અને તેની બાજુમાં એક નભી શકે તેવો અને સાર્વભૌમ પેલેસ્ટાઇન દેશ હોય તેવા બે દેશ વાળા ઉપાયમાં પરિણમે તેવી, પુન:જીવીત કરેલી શાંતિ પ્રક્રિયા માટે એક યોગદાન તરીકે પેલેસ્ટાઇનની એક દેશ તરીકેની ઓળખ.
- અમે પેલેસ્ટાઇનના UN માં સભ્યપદ અંગેની બ્રિટનના નિર્ણય, કે જે હાલમાં એવું જણાવે છે કે આવું બ્રિટન દ્વારા પેલેસ્ટાઇનની એક દેશ તરીકેની આંતરિક ઓળખની સાથે જ થવું જોઈએ, તેની સમીક્ષા કરીશું. અમે આંતરિક ઓળખ અને UN સભ્યપદ, એમ બંને બાબતો આગળ વધે તેને માટે શ્રેષ્ઠ માર્ગ શોધવા માંગીએ છીએ.
સુદાન
- સુદાનમાં વિધ્વંસક પરિસ્થિતિ, જેમાં દારફુરમાં વંશીય લક્ષ્યાંકો વાળી હિંસાના જાતીય હિંસા સહિતના ભયાવહ અહેવાલો સામેલ છે તે વિશે Labour અતિશય ચિંતિત છે. ઉત્તર દારફુરમાં અલ ફાશરમાં દમનનું જોખમ ગંભીર છે અને Labour તાકીદના સંકલન સાધેલા પગલાં માટે આંતરરાષ્ટ્રીય સમુદાયને ટેકો આપશે.
- સુદાનના નાગરિકો, જેઓ પોતાના અધિકારો માટે અડગ રહેવામાં અસાધારણ હિંમત અને ટકી રહેવાની ભાવના પ્રદર્શિત કરી રહ્યાં છે, તેમની સાથે Labour એક થઈને ઊભા રહેશે.
- અમે નજીકમાં આવેલા દક્ષિણ સુદાન અને ચાડ સહિતમાં વિસ્થાપિત લોકોની હાલની પીડા ઉકેલવા માટે માનવીય પ્રયત્નો અને ટેકાના પ્રયાસો પર પ્રતિબંધોની નિંદા કરીએ છીએ.
- અમે સતતપણે અમારી ચિંતાઓને સંસદમાં રજૂ કરી છે, સંઘર્ષ માટે તૈયારી કરવામાં અને સુદાનમાં શાંતિ તથા સલામતીને અસરકારક ટેકો આપવાના પગલા લેવામાં સરકારની નિષ્ફળતા બદલ તેને ઘેરી છે.
- Labour તાત્કાલિક યુદ્ધવિરામ, નાગરિકોની સલામતી, આંતરરાષ્ટ્રીય કાયદાના ઉલ્લંઘનો બદલ ઉત્તરદાયિત્વ, અને શાંતિપૂર્ણ નાગરિક વહીવટના પુન:સ્થાપન માટે વધુ નક્કર અને વધુ સંકલિત આંતરરાષ્ટ્રીય પ્રયાસોને ટેકો આપશે.
ડેમોક્રેટિક રિપબ્લિક ઑફ કોન્ગો
- ડેમોક્રેટિક રિપબ્લિક ઑફ કોન્ગોમાં કરુણ માનવીય કટોકટી Labour પાર્ટી ખૂબ જ ચિંતિત છે.
- લોકોને મોટાપાયે તેમના ઘરોમાંથી વિસ્થાપિત કરાયા હોવા તથા હાલ ચાલી રહેલી જાતીય હિંસાની અમે નોંધ લીધી છે.
- અમે માનવીય સહાય માટે સુગમતા તથા આંતરરાષ્ટ્રીય કાયદાના ઉલ્લંઘનો માટે ઉત્તરદાયિત્વ નક્કી કરવાને ટેકો આપીએ છીએ.
- ડેમોક્રેટિક રિપબ્લિક ઑફ કોન્ગોના પૂર્વીય વિસ્તારને અસ્થિર બનાવી રહેલા સશસ્ત્ર જૂથોને મળી રહેલા તમામ પ્રકારના બાહ્ય ટેકાની અમે નિંદા કરીએ છીએ. અમે લાંબાગાળા સુધી રહે તેવી શાંતિ માટે પ્રયાસ કરી રહેલા આંતરરાષ્ટ્રીય સાથીદારો સાથે જોડાશું, જેમાં લુઆન્ડા અને નૈરોબી પ્રક્રિયાઓને ટેકાનો સમાવેશ થાય છે.
- Labour ઇચ્છશે કે તે ડેમોક્રેટિક રિપબ્લિક ઑફ કોન્ગોની સરકાર, તેના પાડોશી દેશો, અને ક્ષેત્રીય તથા આંતરરાષ્ટ્રીય ભાગીદારો સાથે સહયોગમાં કામ કરે, જેથી કરીને UK, કોન્ગોના સમુદાયો અને આસપાસના દેશોને પરસ્પર લાભદાયી હોય તેવી વધુ વૈવિધ્યતા વાળી, વધુ વાજબી અને વધુ સલામત પુરવઠા શ્રુંખલાઓને ટેકો આપી શકાય.