Labour-ले देशमा तथा विदेशमा सुरक्षा र समृद्धिका लागि मित्र देश तथा क्षेत्रीय शक्तिहरूसँग साझेदारिताको निर्माण गर्नेछ र यसलाई मजबुत पार्नेछ।
हामी विश्वभर हाम्रा सांस्कृतिक सम्पर्कहरूलाई बढाउन हाम्रा गौरवशाली प्रवासी समुदायहरूद्वारा UK र उनीहरूको समुदायका लागि गरिएको योगदानलाई मान्यता दिँदै उनीहरूसँग मिलेर काम गर्नेछौँ।
Labourअन्तर्गत ब्रिटेन
- विश्व मञ्चमा मजबुत हुनेछ र यसको आवाज सुनियोस् भनी सुनिश्चित गर्नेछ
- हाम्रो राष्ट्रिय हितको रक्षामा विश्वस्त हुनेछ
- विश्वभर हाम्रा मित्र देश र साझेदारहरूसँग पुनर्सम्पर्कित हुनेछ
- विश्वभर नयाँ आधुनिक साझेदारिता निर्माण हुनेछ
- मानव अधिकारहरू र अन्तर्राष्ट्रिय कानून कायम हुनेछन्
- ब्रिटेनका प्रवासी समुदायहरूसँग रेमिट्यान्स पठाउँदा लाग्ने अदृश्य लागतमाथि लगायतका विषयहरूमा काम गर्नेछ
गोर्खाहरू
- Labour-ले लगभग 200 वर्षभन्दा धेरै समयदेखि ब्रिटिश सशस्त्र सेनामा र हाम्रो राष्ट्रिय सुरक्षामा उत्कृष्ट योगदानको लागि गोर्खाहरूलाई धन्यवाद दिँदछ। हामी गोर्खाहरूद्वारा शताब्दियौँदेखिको सेवा र बलिदान मार्फत यु.के. प्रति गरिएको उत्कृष्ट योगदानलाई मान्यता दिन्छौँ र ब्रिटिश जनताले सही नै उनीहरूलाई उच्च सम्मान दिँदछन्।
- सरकारको स्तरमा Labour उनीहरूसित सम्बद्ध सबै मामिलाहरूमा उनीहरूसँग कुराकानी गर्ने कुरोमा सुस्पष्ट रहिआएको छ।
गाजा
Labour-ले द्वन्द्वको स्थायी अन्त्य तथा दीर्घकालीन शान्ति एवं सुरक्षा भएको हेर्न चाहन्छ। हामीले आह्वान गर्दै आएका छौँ
- दुवै पक्षद्वारा तत्काल युद्धविरामको पालना गरियोस्
- गाजासम्म निर्बाध सहायता पहुँच र यसमा तीव्र वृद्धि होस्
- सबै बन्धकहरूलाई तुरुन्तै रिहा गरियोस्
- पूर्ण-स्तरको राफा आक्रमणमा प्रयोग गरिनका लागि इजरेललाई यु.के.को कुनै हतियार वा पाटपूर्जाको विक्री नगरियोस् र, यदि हामी निर्वाचित भयौं भने हातहतियार निर्यातमाथि कानूनी परामर्शको समीक्षा गर्नेछौँ र UK-द्वारा आफ्ना घरेलू र अन्तर्राष्ट्रिय दायित्वहरूलाई कायम राखिएको सुनिश्चित गर्ने सल्लाहमाथि कार्य गर्नेछौँ।
- अन्तर्राष्ट्रिय कानूनको पालना गरियोस्, र अन्तर्राष्ट्रिय अदालतहरूको स्वतन्त्रताको अवश्य सम्मान गरियोस्, तथा सबै पक्षहरू उनीहरूका कार्यका लागि उत्तरदायी हुनु पर्दछ।
- नवीकृत शान्ति प्रक्रियामा योगदानको रूपमा प्यालेस्टाइनी राज्यलाई मान्यता दिइयोस् जसको परिणामस्वरूप एक सम्भाव्य एवं सार्वभौम प्यालेस्टाइनी राज्यसँगै एउटा निरापद तथा सुरक्षित इजरेल सहितको दुई-राज्य समाधान निस्कोस्।
- हामीले UN-मा प्यालेस्टाइनी सदस्यतामाथि ब्रिटेनको अडानको समीक्षा गर्नेछौँ, जसले वर्तमानमा भनेअनुसार यो एकै समयमा हुनु पर्दछ जब प्यालेस्टाइनलाई एक राज्यको रूपमा घरेलू ब्रिटिश मान्यता दिइन्छ। हामी घरेलू मान्यता र UN-को सदस्यता दुवैलाई अगाडि बढाउने उत्तम तरिका खोज्न चाहन्छौँ।
सुडान
- सुडानमा डार्फरको यौन हिंसालगायत जातिय रूपले लक्षित हिंसाका भयावह रिपोर्टहरूका साथै सुडानको विनाशकारी अवस्थाबारे Labour धेरै चिन्तित छ। उत्तरी डार्फरको एल फाशर-मा अत्याचारको जोखिम अत्यन्तै गम्भीर छ र Labour-ले अन्तर्राष्ट्रिय समुदायबाट तत्काल समन्वयात्मक कारबाहीलाई समर्थन गर्नेछ।
- Labour सुडानी जनतासँग ऐक्यबद्धता जनाउँदछ जसले आफ्ना अधिकारहरूका लागि संघर्ष गर्न असाधारण साहस र सहनशीलताको प्रदर्शन गर्न जारी राखेका छन्।
- हामी विस्थापित मानिसहरूले भोगिरहेका पीडाहरू कम गर्नका लागि मानवीय पहुँच र सहायताका प्रयासहरूमाथि छिमेकी दक्षिण सुडान र चाडमा समेत लगाइएको बन्धेजको निन्दा गर्दछौँ।
- द्वन्द्वको लागि तयारी गर्न र सुडानमा शान्ति एवं सुरक्षालाई समर्थन दिन सरकार प्रभावकारी ढङ्गले काम गर्न असफल भएको भन्दै हामीले आफ्ना चिन्ताहरू संसदमा उठाउँदै आएका छौँ।
- Labour-ले तत्काल युद्धविराम, गैर-सैनिकहरूको सुरक्षा, अन्तर्राष्ट्रिय कानूनहरूको उल्लङ्घनका लागि जवाफदेहिता, र शान्तिपूर्ण नागरिक प्रशासनको पुनर्बहालीका लागि बढी मजबुत र थप समन्वयतापूर्ण अन्तर्राष्ट्रिय प्रयासहरूलाई समर्थन दिनेछ।
लोकतान्त्रिक गणतन्त्र कङ्गो
- लोकतान्त्रिक गणतन्त्र कङ्गोमा भयङ्कर मानवीय सङ्कटबारे Labour Party गहिरो रूपले चिन्तित छ।
- हामी मानिसहरू आफ्ना घरहरूबाट व्यापक मात्रामा विस्थापित भएका अनि त्यहाँ चलिरहेको यौन हिंसालाई बुझ्दछौँ।
- हामी मानवीय सहायताको पहुँच र अन्तर्राष्ट्रिय कानूनहरूको उल्लङ्घनको जवाफदेहिता हुनु पर्ने पक्षमा छौँ
- पूर्वी लोकतान्त्रिक गणराज्य कङ्गोलाई अस्थिर पारिरहेका सशस्त्र समूहहरूलाई कुनै पनि प्रकारको बाह्य सहायताको हामी भर्त्सना गर्दछौँ। हामी लुआन्डा र नैरोबी प्रक्रियाहरूलाई समर्थनलगायत एउटा दिगो शान्तिलाई अगाडि बढाउने अन्तर्राष्ट्रिय साझेदारहरूसँग सामेल हुनेछौँ।
- Labour-ले UK, कङ्गोली समुदायहरू, तथा क्षेत्रीय राज्यहरूका लागि परस्पर लाभकारी हुन सक्ने बढी विविध, उचित तथा बढी सुरक्षित आपूर्ति शृङ्खलालाई समर्थन गर्न लोकतान्त्रिक गणतन्त्र कङ्गो सरकार, यसका छिमेकीहरू, तथा क्षेत्रीय र अन्तर्राष्ट्रिय साझेदारहरूसँग साझेदारितामा काम गर्न चाहन्छ।