Labour اتحادیوں اور علاقائی طاقتوں کے ساتھ شراکتیں تیار اور مستحکم کرے گی تاکہ اندرون ملک اور بیرون ملک سلامتی اور خوشحالی مہیا کی جائے۔
ہم اپنی قابل افتخار ڈائسپورا کمیونٹیز کے ساتھ کام کریں گے تاکہ دنیا بھر میں اپنے ثقافتی روابط کو مضبوط کر سکیں اور اس تعاون کو تسلیم کریں جو یوکے اور اپنی کمیونٹی کے لیے وہ فراہم کرتے ہیں ۔
Labour کے ماتحت برطانیہ:
- دنیا کے اسٹیج پر مضبوط ہوگا اور یقینی بنائے گا کہ اس کی آواز سنی جاتی ہے
- ہمارے ملکی مفاد کو آگے لے جانے میں پُراعتماد ہوگا
- دنیا بھر کے ہمارے اتحادیوں اور پارٹنرز کو دوبارہ جوڑے گا
- دنیا بھر میں نئی جدید شراکتیں قائم کرے گا
- انسانی حقوق اور بین الاقوامی قوانین کو برقرار رکھے گا
- برطانیہ کی ڈائسپورا کمیونٹیوں کے ساتھ بشمول رقم بھیجنے میں لگنے والی پوشیدہ لاگتوں پر کام کرے گا
پاکستان
- یوکے میں پاکستانی کمیونٹی کی ایک طویل اور شاندار تاریخ ہے۔
- Labour ہمارے ملکوں کے درمیان فرد بہ فرد قریبی رشتوں کی قدر کرتی ہے اور ان کی حمایت کرنے اور انہیں آگے بڑھانے کی کوشش کرے گی۔
- یوکے اور پاکستان کے تعلقات ہمارے دونوں ممالک کے لیے اہمیت رکھتے ہیں۔ پاکستان یوکے کے لیے ایک اہم پارٹنر اور دولت مشترکہ فیملی کا گرانقدر ممبر ہے۔ Labour حکومت باہمی دلچسپی کے شعبوں پر کام کرے گی جن میں آب و ہوا کا بحران شامل ہے، خاص طور پر پاکستان میں آنے والی تباہ کن سیلاب کے سلسلے میں، اور سلامتی اور جمہوریت کے سلسلے میں بھی۔
ایغور کے عوام
Labour Party نے ایغور کے عوام کی خراب حالت کے مسئلہ کو ہمیشہ اجاگر کیا ہے، جس کے بارے میں UN کا خیال ہے کہ وہ انسانیت کے خلاف جرائم کو تشکیل دے سکتی ہے۔
- ہم سخت تر کارروائی کی حمایت کرتے ہیں جس میں حکومت پر Xinjiang سے سوت در آمد کرنے پر پابندی لگانے کے لیے دباؤ ڈالنا شامل ہے کیوں کہ وہاں جبری مزدوری کا استعمال کیا جاتا ہے اور یہ کہ اس کے لیے جو لوگ ذمہ دار ہیں ان پر انسانی حقوق کی خلاف ورزی کے سبب پابندیاں عائد کی جائیں۔
کشمیر
- کشمیر میں تنازعہ کی سنگین نوعیت، یا زندگیوں کے تباہ کن زیاں پر کوئی شبہ نہیں ہو سکتا اور Labour تشدد اور دہشت گردی کے تمام اعمال کی مذمت کرتی ہے۔
- Labour اس امر پر سختی سے قائم ہے کہ کشمیر کے مسئلے پر گہرائی تک محسوس ہونے والی اور واقعتاً موجود تفریقات کو یہاں یوکے میں موجود کمیونٹیز کو ہرگز بھی تقسیم نہیں کرنے دینا چاہیے۔ یہی وجہ ہے کہ حکومت میں آنے پر ہم یہاں یوکے میں موجود ان کشمیریوں سمیت جو اس سے متاثر ہوئے ہیں، تمام کمیونٹیز کے ساتھ کام کرتے رہیں گے۔
- Labour Party کشمیریوں کو درپیش چیلنجوں، بشمول انسانی حقوق کی خلاف ورزیوں کی رپورٹوں اور سول سوسائٹی اور آزاد میڈیا پر عائد پابندیوں سے انتہائی تشویش زدہ ہے۔
- ہمارا رخ واضح رہا ہے کہ سبھی فریقوں کو انسانی حقوق اور بین الاقوامی قانون کے آفاقی اصولوں کی پابندی کرنی چاہیے اور ضروری ہے کہ انسانیت پسند اور انسانی حقوق کی تنظیموں کو پوری رسائی حاصل ہو۔
- Labour کشمیری عوام کے حقوق پر UN کی قرارداد کی تائید اور اسے تسلیم کرتی ہے اور اس بات پر قائم ہے کہ اگر ہمیں اس رواں تنازعہ کو ختم کرنے کے لیے دیرپا تصفیہ تلاش کرنا ہے تو، یہ صرف کشمیر کے عوام کے ساتھ، ہندوستان اور پاکستان کے ایک ساتھ کام کرنے سے حاصل ہو سکتا ہے۔ تمام فریقوں کو یک طرفہ فیصلوں سے احتراز کرنا چاہیے جو ایک پائیدار امن سازی کے عمل کو مزید مشکل بناتے ہیں۔
غزہ
Labour تنازعہ کا ایک مستقل اختتام اور طویل مدتی امن اور سلامتی دیکھنا چاہتی ہے۔ ہمارا مطالبہ رہا ہے کہ
- دونوں طرف سے ایک فوری جنگ بندی کا اعلان کیا جائے
- غزہ تک بلا روک ٹوک امداد کی رسائی ہو اور تیز رفتاری کے ساتھ اس میں اضافہ ہو
- تمام یرغمالیوں کو فوری طور پر رہا کیا جائے
- یوکے کا کوئی بھی اسلحہ یا اس کے اجزا وسیع پیمانے پر رفح کی جارحیت میں استعمال کے لیے اسرائیل کو فروخت نہ کیے جائيں، اگر ہم منتخب ہوتے ہیں تو، اسلحہ کی برآمدات پر قانونی مشورہ کا جائزہ لیں گے اور یہ یقینی بناتے ہوئے اس مشورے پر عمل کریں گے کہ یوکے اپنی ملکی اور بین الاقوامی جوابدہی کو پورا کر رہا ہے۔
- بین الاقوامی قانون کو برقرار رکھا جائے اور بین الاقوامی عدالتوں کی آزادی کا احترام کیا جائے اور یہ کہ ہر فریق کو ان کے اعمال کے لیے جوابدہ قرار دیا جائے۔
- تجدید امن کے عمل میں ایک تعاون کے طور پر فلسطینی ریاست کو تسلیم کرنا جس کے نتیجے میں ایک قابل عمل اور خود مختار فلسطینی ریاست کے ساتھ ایک محفوظ اور مامون اسرائیل کے ساتھ دو ریاستی حل نکلتا ہے۔
- ہم UN میں فلسطین کی رکنیت کے بارے میں برطانیہ کے موقف کا جائزہ لیں گے جس میں فی الحال کہا گیا ہے کہ ایسا اسی وقت ہونا چاہیے جب برطانیہ کے اندر لوگ فلسطین کو بطور ریاست تسلیم کریں۔ ہم ملکی شناخت اور UN کی رکنیت دونوں کو آگے بڑھانے کا بہترین طریقہ تلاش کرنا چاہتے ہیں۔
سوڈان
- Labour سوڈان کی تباہ کن صورتحال، بشمول دارفور میں نسلی طور پر نشانہ بنائے جانے والے تشدد، بشمول جنسی تشدد کی خوفناک رپورٹوں کے بارے میں بہت زیادہ تشویش زدہ ہے۔ شمالی دارفور میں الفاشر میں مظالم کا خطرہ شدید ہے اور Labour بین الاقوامی کمیونٹیز کی جانب سے فوری مربوط کارروائی کی حمایت کرے گی۔
- Labour سوڈانی عوام کے ساتھ یکجہتی میں کھڑی ہے جو اپنے حقوق کے لیے کھڑے ہونے میں بدستور غیر معمولی جرات اور لچک کا مظاہرہ کرتے رہتے ہیں۔
- ہم ہمسایہ ملک جنوبی سوڈان اور چاڈ سمیت بے گھر لوگوں کی جاری تکالیف کو کم کرنے کے لیے انسانی بنیادوں پر رسائی اور حمایت کی کوششوں پر پابندیوں کی مذمت کرتے ہیں۔
- ہم نے پارلیمنٹ میں مسلسل اپنی تشویشات کا اظہار کیا ہے، حکومت کو تنازعہ کے لیے تیاری کرنے اور سوڈان میں امن و سلامتی کی حمایت میں مؤثر طریقے سے کام کرنے میں ناکامی پر دباؤ ڈالا ہے۔
- Labour فوری جنگ بندی، شہریوں کے تحفظ، بین الاقوامی قانون کی خلاف ورزیوں کے لیے جوابدہی، اور پرامن شہری انتظام و انصرام کی بحالی کے لیے مستحکم تر اور زیادہ مربوط بین الاقوامی کوششوں کی حمایت کرے گی۔
جمہوریہ کانگو
- Labour Party کو عوامی جمہوریہ کانگو میں سنگین انسانی بحران پر گہری تشویش ہے۔
- ہم گھروں سے بڑے پیمانے پر لوگوں کے نقل مکانی اور جاری جنسی تشدد کو تسلیم کرتے ہیں۔
- ہم انسانی امداد تک رسائی اور بین الاقوامی قانون کی خلاف ورزی کے مدنظر جوابدہی کی حمایت کرتے ہیں۔
- - ہم مسلح گروہوں کی ہر قسم کی بیرونی حمایت کی مذمت کرتے ہیں جو جمہوریہ کانگو کے مشرقی حصّہ کو غیر مستحکم کر رہے ہیں۔ ہم بین الاقوامی شراکت داروں کے ساتھ مل کر پائیدار امن کے لیے زور دیں گے، جس میں لوانڈا اور نیروبی کی کارروائیوں کی حمایت کرنا شامل ہے۔
- Labour جمہوریہ کانگو کی حکومت، اس کے پڑوسیوں، اور علاقائی اور بین الاقوامی شراکت داروں کے ساتھ شراکت داری میں کام کرنے کی کوشش کرے گی، تاکہ مزید متنوع، منصفانہ اور زیادہ محفوظ سپلائی چین کی حمایت کی جائے جو کہ برطانیہ، کانگو کی کمیونٹیز اور علاقائی ریاستوں کے لیے باہمی طور پر سود مند ہو سکے۔