Labour ਦੇਸ਼ ਅਤੇ ਵਿਦੇਸ਼ ਵਿੱਚ ਸੁਰੱਖਿਆ ਅਤੇ ਖੁਸ਼ਹਾਲੀ ਪ੍ਰਦਾਨ ਕਰਨ ਲਈ ਸਹਿਯੋਗੀਆਂ ਅਤੇ ਖੇਤਰੀ ਸ਼ਕਤੀਆਂ ਨਾਲ ਭਾਈਵਾਲੀ ਬਣਾਏਗੀ ਅਤੇ ਮਜ਼ਬੂਤ ਕਰੇਗੀ।
ਅਸੀਂ ਦੁਨੀਆ ਭਰ ਵਿੱਚ ਸਾਡੇ ਸੱਭਿਆਚਾਰਕ ਸੰਬੰਧਾਂ ਨੂੰ ਵਧਾਉਣ ਲਈ ਸਾਡੇ ਮਾਣ ਕਰਨ ਯੋਗ ਆਪਣਾ ਦੇਸ਼ ਛੱਡ ਕੇ ਆਏ ਭਾਈਚਾਰਿਆਂ ਵੱਲੋਂ ਯੂਕੇ ਅਤੇ ਉਹਨਾਂ ਦੇ ਭਾਈਚਾਰੇ ਵਿੱਚ ਪਾਏ ਯੋਗਦਾਨ ਨੂੰ ਮਾਨਤਾ ਦਿੰਦੇ ਹੋਏ, ਉਹਨਾਂ ਨਾਲ ਮਿਲ ਕੇ ਕੰਮ ਕਰਾਂਗੇ।
Labour ਦੇ ਅਧੀਨ ਬ੍ਰਿਟੇਨ
- ਵਿਸ਼ਵ ਪੱਧਰ 'ਤੇ ਮਜ਼ਬੂਤ ਬਣੇਗਾ ਅਤੇ ਯਕੀਨੀ ਬਣਾਏਗਾ ਕਿ ਇਸਦੀ ਆਵਾਜ਼ ਸੁਣੀ ਜਾਂਦੀ ਹੈ।
- ਸਾਡੇ ਰਾਸ਼ਟਰੀ ਹਿੱਤਾਂ ਦਾ ਪਿੱਛਾ ਕਰਨ ਵਿੱਚ ਆਤਮ-ਵਿਸ਼ਵਾਸੀ ਬਣੇਗਾ।
- ਦੁਨੀਆ ਭਰ ਦੇ ਸਾਡੇ ਸਹਿਯੋਗੀਆਂ ਅਤੇ ਭਾਈਵਾਲਾਂ ਨਾਲ ਮੁੜ ਜੁੜੇਗਾ।
- ਦੁਨੀਆ ਭਰ ਵਿੱਚ ਨਵੀਆਂ ਆਧੁਨਿਕ ਭਾਈਵਾਲੀਆਂ ਬਣਾਏਗਾ।
- ਮਨੁੱਖੀ ਅਧਿਕਾਰਾਂ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਨੂੰ ਬਰਕਰਾਰ ਰੱਖੇਗਾ
- ਬ੍ਰਿਟੇਨ ਦੇ ਵਿਦੇਸ਼ਾਂ ਵਿੱਚ ਜਾ ਕੇ ਵੱਸਣ ਵਾਲੇ ਭਾਈਚਾਰਿਆਂ ਨਾਲ ਕੰਮ ਕਰੇਗਾ, ਜਿਸ ਵਿੱਚ ਪੈਸੇ ਭੇਜਣ ਦੇ ਲੁਕਵੇਂ ਖਰਚਿਆਂ 'ਤੇ ਕੰਮ ਕਰਨਾ ਸ਼ਾਮਲ ਹੈ।
ਭਾਰਤ ਨਾਲ ਭਾਈਵਾਲੀ 'ਤੇ Labour
- ਬ੍ਰਿਟਿਸ਼ ਭਾਰਤੀ ਭਾਈਚਾਰਾ ਆਧੁਨਿਕ ਬ੍ਰਿਟੇਨ ਦਾ ਇੱਕ ਅਨਿੱਖੜਵਾਂ ਅੰਗ ਹੈ, ਅਤੇ Labour NHS ਤੋਂ ਲੈ ਕੇ ਬ੍ਰਿਟਿਸ਼ ਕਾਰੋਬਾਰ ਤੱਕ, ਬ੍ਰਿਟਿਸ਼ ਜੀਵਨ ਦੇ ਸਾਰੇ ਹਿੱਸਿਆਂ ਵਿੱਚ ਉਹਨਾਂ ਦੁਆਰਾ ਪਾਏ ਗਏ ਵਿਸ਼ਾਲ ਯੋਗਦਾਨ ਨੂੰ ਮਾਨਤਾ ਦਿੰਦੀ ਹੈ।
- ਭਾਰਤ ਦੀ ਗਲੋਬਲ ਭੂਮਿਕਾ ਹੈ, ਉਹ ਇੱਕ ਤੇਜ਼ੀ ਨਾਲ ਵੱਧ ਰਹੀ ਅਰਥ-ਵਿਵਸਥਾ ਹੈ ਅਤੇ ਯੂਨਾਈਟਿਡ ਕਿੰਗਡਮ ਲਈ ਪ੍ਰਮੁੱਖ ਭਾਈਵਾਲ ਹੈ। Labour ਸਰਕਾਰ ਆਧੁਨਿਕ ਯੁੱਗ ਲਈ ਸਾਡੇ ਸੰਬੰਧਾਂ ਨੂੰ ਗੂੜ੍ਹਾ ਕਰਨ ਵਾਸਤੇ ਵਚਨਬੱਧ ਹੋਵੇਗੀ।
- Labour ਨਵੀਆਂ ਅਤੇ ਵਾਤਾਵਰਣ ਲਈ ਅਨੁਕੂਲ ਤਕਨਾਲੋਜੀਆਂ, ਆਰਥਿਕ ਸੁਰੱਖਿਆ, ਘਰੇਲੂ ਸੁਰੱਖਿਆ ਅਤੇ ਗਲੋਬਲ ਸੁਰੱਖਿਆ 'ਤੇ ਕੇਂਦ੍ਰਿਤ ਨਵੀਂ ਰਣਨੀਤਕ ਭਾਈਵਾਲੀ ਦੀ ਸਪੱਸ਼ਟ ਲੋੜ ਨੂੰ ਸਮਝਦੀ ਹੈ।
- ਭਾਰਤ ਵਿਵਿਧਤਾ ਭਰਿਆ ਦੇਸ਼ ਹੈ, ਅਤੇ, ਜਿਵੇਂ ਕਿ ਕਿਸੇ ਵੀ ਲੋਕਤੰਤਰ ਵਿੱਚ ਹੁੰਦਾ ਹੈ, ਇਸ ਨੂੰ ਘੱਟ ਗਿਣਤੀ ਦੇ ਲੋਕਾਂ ਦੇ ਅਧਿਕਾਰਾਂ, ਬੋਲਣ ਦੀ ਆਜ਼ਾਦੀ ਅਤੇ ਮਨੁੱਖੀ ਅਧਿਕਾਰਾਂ ਦੇ ਸਨਮਾਨ ਸਮੇਤ ਬੁਨਿਆਦੀ ਅਧਿਕਾਰਾਂ ਨੂੰ ਬਰਕਰਾਰ ਰੱਖਣਾ ਅਤੇ ਉਹਨਾਂ ਦੀ ਰੱਖਿਆ ਕਰਨੀ ਚਾਹੀਦੀ ਹੈ।
ਗਾਜ਼ਾ
Labour ਸੰਘਰਸ਼ ਦਾ ਸਥਾਈ ਅੰਤ ਅਤੇ ਲੰਬੇ ਸਮੇਂ ਲਈ ਸ਼ਾਂਤੀ ਅਤੇ ਸੁਰੱਖਿਆ ਦੇਖਣਾ ਚਾਹੁੰਦੀ ਹੈ। ਅਸੀਂ ਇਸਦੀ ਮੰਗ ਕਰਦੇ ਰਹੇ ਹਾਂ
- ਦੋਵਾਂ ਧਿਰਾਂ ਵੱਲੋਂ ਤੁਰੰਤ ਯੁੱਧ ਵਿਰਾਮ
- ਗਾਜ਼ਾ ਲਈ ਸਹਾਇਤਾ ਤੱਕ ਬੇਰੋਕ ਪਹੁੰਚ ਅਤੇ ਤੇਜ਼ੀ ਨਾਲ ਵਾਧਾ
- ਸਾਰੇ ਬੰਧਕਾਂ ਦੀ ਤੁਰੰਤ ਰਿਹਾਈ
- ਇਜ਼ਰਾਈਲ ਨੂੰ ਵੇਚੇ ਗਏ ਕਿਸੇ ਵੀ ਹਥਿਆਰਾਂ ਜਾਂ ਉਹਨਾਂ ਦੇ ਪੁਰਜ਼ਿਆਂ ਨੂੰ ਪੂਰੇ ਪੈਮਾਨੇ 'ਤੇ ਰਫਾਹ 'ਤੇ ਹਮਲਾ ਕਰਨ ਲਈ ਨਾ ਵਰਤਿਆ ਜਾਵੇ ਅਤੇ, ਜੇਕਰ ਅਸੀਂ ਚੁਣੇ ਜਾਂਦੇ ਹਾਂ, ਤਾਂ ਹਥਿਆਰਾਂ ਦੇ ਨਿਰਯਾਤ ਬਾਰੇ ਕਾਨੂੰਨੀ ਸਲਾਹ ਦਾ ਮੁਲਾਂਕਣ ਕਰਾਂਗੇ ਅਤੇ ਅਸੀਂ ਉਸ ਸਲਾਹ 'ਤੇ ਕਾਰਵਾਈ ਕਰਾਂਗੇ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਯੂਕੇ ਆਪਣੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਜ਼ਿੰਮੇਵਾਰੀਆਂ ਨੂੰ ਬਰਕਰਾਰ ਰੱਖ ਰਿਹਾ ਹੈ।
- ਅੰਤਰਰਾਸ਼ਟਰੀ ਕਾਨੂੰਨ ਨੂੰ ਬਰਕਰਾਰ ਰੱਖਿਆ ਜਾਣਾ ਚਾਹੀਦਾ ਹੈ, ਅਤੇ ਅੰਤਰਰਾਸ਼ਟਰੀ ਅਦਾਲਤਾਂ ਦੀ ਸੁਤੰਤਰਤਾ ਦਾ ਆਦਰ ਕੀਤਾ ਜਾਣਾ ਚਾਹੀਦਾ ਹੈ, ਅਤੇ ਸਾਰੀਆਂ ਧਿਰਾਂ ਨੂੰ ਉਹਨਾਂ ਦੇ ਕੰਮਾਂ ਲਈ ਜਵਾਬਦੇਹ ਹੋਣਾ ਚਾਹੀਦਾ ਹੈ।
- ਨਵੇਂ ਸਿਰੇ ਤੋਂ ਸ਼ਾਂਤੀ ਪ੍ਰਕਿਰਿਆ ਵਿੱਚ ਯੋਗਦਾਨ ਵਜੋਂ ਫਲਸਤੀਨੀ ਰਾਜ ਦੀ ਮਾਨਤਾ ਜਿਸਦਾ ਨਤੀਜਾ ਇੱਕ ਸੁਰੱਖਿਅਤ ਅਤੇ ਮਹਿਫੂਜ਼ ਇਜ਼ਰਾਈਲ ਦੇ ਨਾਲ-ਨਾਲ ਇੱਕ ਵਿਹਾਰਕ ਅਤੇ ਪ੍ਰਭੂਸੱਤਾ ਸੰਪੰਨ ਫਲਸਤੀਨੀ ਰਾਜ ਵਜੋਂ ਦੋ-ਦੇਸ਼ਾਂ ਵਾਲੇ ਹੱਲ ਦੇ ਰੂਪ ਵਿੱਚ ਮਿਲਦਾ ਹੈ।
- ਅਸੀਂ UN ਵਿੱਚ ਫਿਲਸਤੀਨ ਦੀ ਮੈਂਬਰਸ਼ਿਪ 'ਤੇ ਬ੍ਰਿਟੇਨ ਦੀ ਸਥਿਤੀ ਦੀ ਸਮੀਖਿਆ ਕਰਾਂਗੇ ਜਿਸ ਵਿੱਚ ਵਰਤਮਾਨ ਵਿੱਚ ਇਹ ਕਿਹਾ ਗਿਆ ਹੈ ਕਿ ਇਹ ਉਸੇ ਸਮੇਂ ਹੋਣਾ ਚਾਹੀਦਾ ਹੈ ਜਦੋਂ ਘਰੇਲੂ ਬ੍ਰਿਟਿਸ਼ ਦੁਆਰਾ ਫਲਸਤੀਨ ਨੂੰ ਇੱਕ ਰਾਜ ਵਜੋਂ ਮਾਨਤਾ ਦਿੱਤੀ ਜਾਂਦੀ ਹੈ। ਅਸੀਂ ਘਰੇਲੂ ਮਾਨਤਾ ਅਤੇ UN ਦੀ ਮੈਂਬਰਸ਼ਿਪ ਦੋਵਾਂ ਨੂੰ ਅੱਗੇ ਵਧਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਲੱਭਣਾ ਚਾਹੁੰਦੇ ਹਾਂ।
ਸੁਡਾਨ
- Labour ਸੁਡਾਨ ਵਿੱਚ ਵਿਨਾਸ਼ਕਾਰੀ ਸਥਿਤੀ ਬਾਰੇ ਬਹੁਤ ਚਿੰਤਤ ਹੈ, ਜਿਸ ਵਿੱਚ ਦਾਰਫੂਰ ਵਿੱਚ ਜਿਨਸੀ ਹਿੰਸਾ ਸਮੇਤ ਨਸਲੀ ਤੌਰ 'ਤੇ ਨਿਸ਼ਾਨਾ ਬਣਾਈ ਗਈ ਹਿੰਸਾ ਦੀਆਂ ਭਿਆਨਕ ਰਿਪੋਰਟਾਂ ਸ਼ਾਮਲ ਹਨ। ਉੱਤਰੀ ਦਾਰਫੁਰ ਵਿੱਚ ਅਲ ਫਾਸ਼ਰ ਵਿੱਚ ਅੱਤਿਆਚਾਰਾਂ ਦਾ ਖ਼ਤਰਾ ਗੰਭੀਰ ਹੈ ਅਤੇ Labour ਅੰਤਰਰਾਸ਼ਟਰੀ ਭਾਈਚਾਰੇ ਤੋਂ ਤੁਰੰਤ ਤਾਲਮੇਲ ਵਾਲੀ ਕਾਰਵਾਈ ਦਾ ਸਮਰਥਨ ਕਰੇਗੀ।
- Labour ਸੁਡਾਨੀ ਲੋਕਾਂ ਨਾਲ ਏਕਤਾ ਵਿੱਚ ਖੜ੍ਹੀ ਹੈ ਜੋ ਲਗਾਤਾਰ ਆਪਣੇ ਅਧਿਕਾਰਾਂ ਲਈ ਖੜ੍ਹੇ ਹੋਣ ਵਿੱਚ ਅਸਾਧਾਰਨ ਸਾਹਸ ਅਤੇ ਲਚਕੀਲੇਪਣ ਦਾ ਪ੍ਰਦਰਸ਼ਨ ਕਰ ਰਹੇ ਹਨ।
- ਅਸੀਂ ਗੁਆਂਢੀ ਦੱਖਣੀ ਸੁਡਾਨ ਅਤੇ ਚਾਡ ਸਮੇਤ ਵਿਸਥਾਪਿਤ ਲੋਕਾਂ ਦੇ ਨਿਰੰਤਰ ਦੁੱਖਾਂ ਨੂੰ ਘੱਟ ਕਰਨ ਲਈ ਮਾਨਵਤਾਵਾਦੀ ਪਹੁੰਚ ਅਤੇ ਸਹਾਇਤਾ ਦੇ ਯਤਨਾਂ 'ਤੇ ਪਾਬੰਦੀਆਂ ਦੀ ਨਿੰਦਾ ਕਰਦੇ ਹਾਂ।
- ਅਸੀਂ ਲਗਾਤਾਰ ਆਪਣੀਆਂ ਚਿੰਤਾਵਾਂ ਸੰਸਦ ਵਿੱਚ ਉਠਾਈਆਂ ਹਨ, ਸੁਡਾਨ ਵਿੱਚ ਸੰਘਰਸ਼ ਲਈ ਤਿਆਰੀ ਕਰਨ ਅਤੇ ਸ਼ਾਂਤੀ ਅਤੇ ਸੁਰੱਖਿਆ ਦੇ ਸਮਰਥਨ ਵਿੱਚ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰਨ ਵਿੱਚ ਅਸਫਲ ਰਹਿਣ 'ਤੇ ਸਰਕਾਰ 'ਤੇ ਦਬਾਅ ਪਾਇਆ ਹੈ।
- Labour ਤੁਰੰਤ ਯੁੱਧ ਵਿਰਾਮ, ਨਾਗਰਿਕਾਂ ਦੀ ਸੁਰੱਖਿਆ, ਅੰਤਰਰਾਸ਼ਟਰੀ ਕਾਨੂੰਨ ਦੀ ਉਲੰਘਣਾ ਲਈ ਜਵਾਬਦੇਹੀ, ਅਤੇ ਸ਼ਾਂਤੀਪੂਰਨ ਨਾਗਰਿਕ ਸ਼ਾਸਨ ਦੀ ਬਹਾਲੀ ਲਈ ਮਜ਼ਬੂਤ ਅਤੇ ਵਧੇਰੇ ਤਾਲਮੇਲ ਵਾਲੇ ਅੰਤਰਰਾਸ਼ਟਰੀ ਯਤਨਾਂ ਦਾ ਸਮਰਥਨ ਕਰੇਗੀ।
ਕਾਂਗੋ ਦਾ ਲੋਕਤੰਤਰੀ ਗਣਰਾਜ
- Labour Party ਕਾਂਗੋ ਦੇ ਲੋਕਤੰਤਰੀ ਗਣਰਾਜ ਵਿੱਚ ਗੰਭੀਰ ਮਾਨਵਤਾਵਾਦੀ ਸੰਕਟ ਬਾਰੇ ਗਹਰੀ ਚਿੰਤਤ ਹੈ।
- ਅਸੀਂ ਲੋਕਾਂ ਦੇ ਉਹਨਾਂ ਦੇ ਘਰਾਂ ਤੋਂ ਵੱਡੇ ਪੱਧਰ 'ਤੇ ਉਜਾੜੇ ਅਤੇ ਚੱਲ ਰਹੀ ਜਿਨਸੀ ਹਿੰਸਾ ਨੂੰ ਪਛਾਣਦੇ ਹਾਂ।
- ਅਸੀਂ ਅੰਤਰਰਾਸ਼ਟਰੀ ਕਾਨੂੰਨ ਦੀ ਉਲੰਘਣਾ ਲਈ ਮਾਨਵਤਾਵਾਦੀ ਸਹਾਇਤਾ ਅਤੇ ਜਵਾਬਦੇਹੀ ਤੱਕ ਪਹੁੰਚ ਦਾ ਸਮਰਥਨ ਕਰਦੇ ਹਾਂ।
- ਅਸੀਂ ਹਥਿਆਰਬੰਦ ਸਮੂਹਾਂ ਨੂੰ ਬਾਹਰੀ ਸਮਰਥਨ ਦੇ ਸਾਰੇ ਰੂਪਾਂ ਦੀ ਨਿੰਦਾ ਕਰਦੇ ਹਾਂ ਜੋ ਪੂਰਬੀ ਲੋਕਤੰਤਰੀ ਗਣਰਾਜ ਕਾਂਗੋ ਨੂੰ ਅਸਥਿਰ ਕਰ ਰਹੇ ਹਨ। ਅਸੀਂ ਲੁਆਂਡਾ ਅਤੇ ਨੈਰੋਬੀ ਪ੍ਰਕਿਰਿਆਵਾਂ ਲਈ ਸਮਰਥਨ ਸਮੇਤ, ਅੰਤਰਰਾਸ਼ਟਰੀ ਭਾਈਵਾਲਾਂ ਨਾਲ ਮਿਲ ਕੇ ਇੱਕ ਸਥਾਈ ਸ਼ਾਂਤੀ ਲਈ ਜ਼ੋਰ ਦਿਆਂਗੇ।
- Labour ਕਾਂਗੋ ਲੋਕਤੰਤਰੀ ਗਣਰਾਜ ਦੀ ਸਰਕਾਰ, ਇਸਦੇ ਗੁਆਂਢੀਆਂ, ਅਤੇ ਖੇਤਰੀ ਅਤੇ ਅੰਤਰਰਾਸ਼ਟਰੀ ਭਾਈਵਾਲਾਂ ਦੇ ਨਾਲ ਭਾਈਵਾਲੀ ਵਿੱਚ ਕੰਮ ਕਰਨ ਦੀ ਕੋਸ਼ਿਸ਼ ਕਰੇਗੀ, ਤਾਂ ਜੋ ਵਧੇਰੇ ਵਿਵਿਧ, ਨਿਰਪੱਖ ਅਤੇ ਵਧੇਰੇ ਸੁਰੱਖਿਅਤ ਸਪਲਾਈ ਚੇਨਾਂ ਦਾ ਸਮਰਥਨ ਕੀਤਾ ਜਾ ਸਕੇ ਜੋ ਯੂਕੇ, ਕਾਂਗੋਲੀ ਭਾਈਚਾਰਿਆਂ ਅਤੇ ਖੇਤਰੀ ਦੇਸ਼ਾਂ ਲਈ ਆਪਸੀ ਤੋਰ 'ਤੇ ਲਾਭਕਾਰੀ ਹੋ ਸਕਦੀਆਂ ਹਨ।
