Labour உள்நாட்டிலும் வெளிநாடுகளிலும் வளத்தையும் பாதுகாப்பையும் வழங்கும் பொருட்டு இணைத்தரப்புகளுடனும் பிராந்திய சக்திகளுடனும் பங்காளித்துவத்தை கட்டியெழுப்பி அதனை வலுப்படுத்தும்.
UK இற்கு புலம்பெயர்ந்து வந்து வசிக்கின்ற எமது பெருமைக்குரிய மக்கள் அவர்களின் சமுதாயத்திற்கு அவர்கள் நல்குகின்ற பங்களிப்பை மதித்து, உலகெங்கிலும் காணப்படும் எமது கலாச்சார உறவுகளை மேம்படுத்தும் பொருட்டு நாம் அவர்களுடன் இணைந்து பணியாற்றுவோம்.
பிரித்தானியாவில் உள்ள Labour
- உலக நிலையில் வலிமையாக இருந்து தனது குரல் எழுப்பப்படுகின்றதா என்பதை உறுதிசெய்யும்.
- எமது தேசிய நலன் முயற்சியில் நம்பிக்கையாக இருக்கும்.
- உலகம் முழுதிலும் உள்ள எமது இணைத்தரப்புகளுடனும் பங்காளித்துவத் தரப்புகளுடனும் மீண்டும் இணையும்.
- உலகம் முழுதிலும் புதிய நவீன பங்காளித்துவங்களை நிலைநாட்டும்.
- மனித உரிமைகளையும் சர்வதேச சட்டத்தையும் மதித்து நடக்கும்.
- புலம்பெயர்ந்து வந்து பிரித்தானியாவில் வசிக்கிக்கின்ற மக்களுக்கு அவர்கள் பணம் அனுப்புவதில் மறைந்திருக்கும் செலவுகள் தொடர்பனவை அடங்கலாக அவர்களுக்கு உதவும்.
இந்தியாவுடனான பங்காளித்துவத்திலுள்ள Labour
- இந்தியாவிலிருந்து வந்து பிரித்தானியாவில் வசிக்கும் மக்கள் நவீன பிரித்தானியாவின் இன்றியமையாத பங்காளிகளாகும் என்பதால், அவர்கள் பிரித்தானியாவின் வாழ்வில் சகல பாகங்களிலும் NHS (என்எச்எஸ்) இல் இருந்து பிரித்தானிய வணிகத்திற்கு அவர்கள் நல்கும் எண்ணற்ற பங்களிப்பை Labour மதிக்கின்றது.
- இந்தியா பொருளாதார ரீதியில் உலகத்தில் துரிதமாக வளர்ந்து வருகின்ற ஒரு நாடு. இது ஐக்கிய இராச்சியத்திற்கு முக்கியமான பங்காளித்துவ நாடாகும். ஒரு Labour அரசாங்கம் நவீன யுகத்திற்கான எமது உறவை ஆழமாகப் பலப்படுத்துவதற்கு தன்னை அர்ப்பணிக்கும்.
- புதிய பசுமையான தொழில்நுட்பங்களிலும், பொருளாதாரப் பாதுகாப்பிலும், உள்நாட்டுப் பாதுகாப்பிலும், சர்வதேசப் பாதுகாப்பிலும் ஒமுகப்படுகின்ற புதிய ஒரு திறமுறைத்திட்டப் பங்காளித்துவத்திற்கான தெளிவான வெளிப்படையான தேவையை Labour புரிந்துகொள்ளும்.
- இந்தியா பல்லின மக்கள் வாழுகின்ற ஒரு நாடாகும். ஏதாவது ஜனநாயக நாட்டில் மதிக்கப்படுவது போல இந்தியாவும் சிறுபான்மையினரின் உரிமைகளும், பேச்சுச்சுதந்திரமும், மனித உரிமைகளுக்கான மதிப்பும் அடங்கலாக அடிப்படை உரிமைகளைப் பாதுகாத்து மேம்படுத்த வேண்டும்.
Labour: இலங்கை
- இலங்கையின் நண்பர்களும் சிறுபான்மை தமிழ் மக்களும் என்ற வகையில், சிவில் யுத்த காலப்பகுதியில் நடந்தவற்றிலும் இந்தப் பிரச்சினைகள் சார்பாக நம்பியிருக்கும் நியாயமான நிலையான ஒரு சமாதான நிலையிலும் கவனக்குறைவாக இருக்கின்றமை பற்றி புலம்பெயர்ந்து வாழும் பல மக்கள் மத்தியில் கவலைகள் இருப்பதை நாம் அறிவோம்.
- ஒரு Labour அரசாங்கம் இலங்கையில் சமாதானத்தையும் அரசியல் ஸ்தீரத்தன்மையையும் கட்டியெழுப்ப உதவுவதற்கு தமிழ் மக்களுடன் தோழோடு தோழ்நின்று உதவும்.
- பாதிக்கப்பட்டு வாழ்க்கையை இழந்துள்ளவர்களுக்கும், தப்பிப்பிழைத்து வாழுகின்றவர்களுக்கும் அவர்களின் குடும்பங்களுக்கும் நீதி கிடைப்பதற்கு Labour தொடர்ந்து அர்ப்பணிப்புடன் பாடுபடும்.
- ஒரு Labour அரசாங்கம் இலங்கையில் சமாதானத்தை கட்டியெழுப்புவதற்கும் அரசியல் ஸ்தீரத்தன்மையை ஏற்படுத்துவதற்கும் உதவும் பொருட்டு எமது சர்வதேச பங்காளித்துவத் தரப்புகளுடன் இணைந்து, நீதிக்கு ஆதரவளிப்பதிலும், பொறுப்புக்கூறுவதிலும், நல்லிணக்கம் செய்வதிலும் காணப்படுகின்ற தாமதத்தை ஒழித்து, தமிழ் மக்களுடன் தோழோடுதோழ்நின்று பணியாற்றும்.
- தமிழ் மக்களுக்கு குற்றங்களை புரிந்தவர்களுக்கு எதிராக நீதியையும் பொறுப்புக்கூறும் தன்மையையும் கோரிநிற்கின்ற ஐக்கிய நாடுகள் பாதுகாப்பு சபையின் தீர்மானங்களுக்கு நாம் முழுமையாக ஆதரவளிப்போம்.
காஷா
Labour, நீண்டகால சமாதானமும் பாதுகாப்பும் உள்ளிட்ட யுத்தத்திற்கு நிரந்தரமான முடிவான ஒரு தீர்வு காண விரும்புகின்றது. அதன் நிமித்தம் நாம் குரலெழுப்பி வருகின்றேன்.
- இரு தரப்புகளும் பின்பற்றக்கூடிய உடனடியான ஒரு யுத்த நிறுத்தம்
- கஷாவுக்கான தடையற்ற உதவி அணுகல்கள் மற்றும் அவற்றில் துரித அதிகரிப்பு
- சகல பிணையக்கைதிகளையும் உடனடியாக விடுவித்தல்
- ரஃபாவுக்கு எதிரான வன்முறையில் முழு அளவில் பயன்படுத்தக்கூடிய எந்தவிதமான UK ஆயுதங்கள் அல்லது ஆயுதப் பாகங்கள் இஸ்ரேலுக்கு விற்பனைசெய்யப்படமாட்டாது. நாம் மீண்டும் தேர்ந்தெடுக்கப்பட்டால், ஆயுத ஏற்றுமதிகள் தொடர்பான சட்ட ஆலோசனையை மதிப்பீடுசெய்து UK தனது உள்நாட்டுக் கடப்பாடுகளையும் சர்வதேச கடப்பாடுகளையும் நிலைநாட்டுகின்றதா என்பதை உறுதிப்படுத்துகின்ற ஆலோசனையின் அடிப்படையில் நாம் செயற்படுவோம்.
- சர்வதேச சட்டம் உறுதிப்படுத்தப்பட்டு நிலைநாட்டப்படுதல், சர்வதேச நீதிமன்றத்தின் சுயாதீனம் மதிக்கப்படுதல், எல்லாத் தரப்புகளும் அவற்றின் செயல்நடவடிக்கைகளுக்கு பொறுப்புக்கூறக்கூடியதாக இருத்தல் வேண்டும்.
- உறுதியான இறையாண்மைமிக்க ஒரு பாலஸ்தீன் நாடு இஸ்ரேலுக்கு அருகில் பாதுகாப்புடன் இருப்பதற்கான இரு நாட்டுத் தீர்வுக்கு வழிவகுக்கும் புதிதாக பரிவர்த்தனையடைந்த ஒரு சமாதான செயல்முறைக்கான ஒரு பங்களிப்பாக, பாலஸ்தீனத்தை ஒரு நாடாக அங்கீகரித்தல்.
- பாலஸ்தீனத்தை UN இன் ஒரு உறுப்பு நாடாக பிரித்தானியா அங்கீகரிக்க வேண்டுமென தற்பொழுது வலியுறுத்தப்படுகின்ற பிரித்தானியாவின் நிலையை நாம் மீளாய்வுசெய்வோம். நாம் உள்நாட்டு அங்கீகாரத்தையும் UN உறுப்புரிமையையும் முன்னெடுப்பதற்கான சிறந்த வழிமுறைகளை கண்டறிய விரும்புகின்றோம்.
சூடான்
- தார்பூரில் நிகழும் பாலியல் வன்முறையும் இன ரீதியில் இலக்குக்கொள்ளப்பட்டுள்ள பயங்கர சம்பவங்களும் அடங்கலாக சூடானில் காணப்படும் கடுமையான அழிவு நிலை பற்றி Labour பாரியளவில் விசனப்படுகின்றது. வட தார்பூர் El Fasher இல் நிகழும் அழிவுகளின் ஆபத்து கடுமையானதாகும். சர்வதேச சமூகத்திலிருந்து ஒருங்கிணைந்த அவசர செயல்நடவடிக்கைக்கு Labour ஆதரவளிக்கும்.
- சூடானிய மக்கள் அவர்களின் உரிமைகளுக்காக குரல்கொடுப்பதில் அதிவிஷேட ஊக்கத்தையும் நெகிழ்தன்மையையும் தொடர்ச்சியாக வெளிக்காட்டுகின்ற சூடானிய மக்களுடன் Labour ஐக்கியமாகவும் ஒற்றுமையாகவும் இருக்கும்.
- அயல் தெற்கு சூடானிலும் ஷாடிலும் உள்ள மக்களினதும், தற்பொழுது இடம்பெயர்ந்து அவதிப்படுகின்ற மக்களினதும் துன்பங்களை துடைப்பதற்கான முயற்சிகளுக்கு நாம் ஆதரவளிக்கும் வேளையில் மனிதாபிமான அணுகல் மீது திணிக்கப்படும் மட்டுப்பாடுகளை வன்மையாக கண்டிக்கின்றோம்.
- சூடானில் சமாதானத்திற்கும் பாதுகாப்புக்கும் உதவுவதில் பயனுள்ளதாக செயற்படுவதற்கும் யுத்தத்திற்கு ஆயத்தமாகுவதற்கு தவறியமை பற்றி அரசாங்கத்தை உந்தச்செய்து பாராளுமன்றத்தில் நாம் எமது கவலைகளை தொடர்ச்சியாக வெளிப்படுத்தி வந்துள்ளோம்.
- உடனடி யுத்த நிறுத்தம், பொதுமக்களின் பாதுகாப்பு, சர்வதேச சட்ட மீறுகைகளுக்கு பொறுப்புக்கூறுதல், அமைதியான சிவில் அரசாங்கத்தை மீளத்தாபித்தல் என்பவற்றுக்கு வலிமையான மிகவும் ஒருங்கிணைந்த சர்வதேச முயற்சிகளுக்கு Labourஆதரவளிக்கும்.
கொங்கோ ஜனநாயகக் குடியரசு
- கொங்கோ ஜனநாயகக் குடியரசில் காணப்படும் பயங்கரமான மனித மோதல்கள் பற்றி Labour கட்சி கடுமையாக கவலையடைகின்றது.
- சொந்த நாடுகளிலிருந்து இடம்பெயர்ந்துள்ள அதிகளவான மக்களை நாம் மதிக்கின்ற வேளையில் நிகழ்கின்ற பாலியல் வன்முறையை வன்மையாக கண்டிக்கின்றோம்.
- மனிதாபிமான உதவிக்கான அணுகலுக்கும் சர்வதேச சட்ட மீறுகைகளுக்கான பொறுப்புக்கூறலுக்கும் நாம் ஆதரவளிப்போம்.
- கீழத்தேய கொங்கோ ஜனநாயகக் குடியரசை நிலைகுலையச்செய்யும் ஆயுதம் தாங்கிய குழுக்களுக்கான எல்லாத வித வெளிவாரி உதவிகளையும் நாம் கண்டிக்கின்றோம். லுஅண்டா மற்றும் நைரோபி செயல்முறைகளுக்கான உதவி அடங்கலாக நிலையான ஒரு சமாதானத்தை கட்டியெழுப்பும் வகையில் நாம் சர்வதேச பங்காளித்துவத் தரப்புகளுடன் ஒன்றிணைந்து செயல்படுவோம்.
- UK, கொங்கோலிய மக்களுக்கும், பிராந்திய நாடுகளுக்கும் பரஸ்பர ரீதியில் நன்மைபயக்கக்கூடிய அதிக பல்லினத்துவ, மிக நியாயமான, மிகப் பாதுகாப்பான விநியோக சங்கிலிகளுக்கு உதவும் பொருட்டு Labour கொங்கோ ஜனநாயகக் குடியரசு அரசாங்கத்துடனும், அதன் அயல் நாடுகளுடனும், பிராந்திய மற்றும் சர்வதேச பங்காளித்துவத் தரப்புகளுடனும் இணைந்து பணியாற்ற எதிர்பார்க்கின்றது.