Xisbiga Labour ayaa dhisi doona oo xoojin doonaan iskaashiga xulafada iyo awoodaha gobolka si loo abuuro amniga iyo barwaaqo ee gudaha iyo dibaddaba.
Waxaanu la shaqayn doonaa jaaliyadaheena qurba joogta ah si aanu kor ugu qaadno xidhiidhka dhaqameed ee aduunka oo dhan, anagoo aqoonsanayna waxtarka ay u hayaan UK iyo bulshadooda.
Britain oo ay maamulaysa xisbiga Labour:
- Ayaa noqon donta mid masraxa aduunka ka muuqato oo waxtar ku leh.
- Ayaa door ka ciyaari doonta raadinta danaha qarankeena.
- Ayaa dib ula xidhiidh doonta xulafadayada iyo la-hawlgalayaashayada adduunka oo dhan.
- Ayaa samayn doonta shuraako cusub oo casri ah oo adduunka oo dhan ah.
- Ayaa ilaalin doonta xuquuqda insaanka iyo sharciga caalamiga ah.
- Ayaa la shaqayn doonta jaaliyadaha qurbaha ee Britain oo ay ku jiraan kharashaadka qarsoon ee dirista lacagaha xawaaladaha.
Bulshada Soomalida
- Bulshooyinka Soomaalida Ingiriiska ayaa ah qayb lama huraan ah oo firfircoon oo ka mid ah bulshadeena.
- Dhammaanteen waan ka faa'iidaysanaynaa waxtarka weyn ee ganacsatada Soomaalida, dhakhaatiirta, macallimiinta, kalkaaliyayaasha, hoggaamiyeyaasha adeegyada samafalka iyo mutadawiciinta, farshaxan-yaqaanada iyo fannaaniinta ay ku bixiyaan dhaqaalaheenna, adeegyada bulshada, iyo dhaqanka iyo nolosha bulshada.
- Wada-shaqeynta UK iyo Soomaaliya waa mid aad muhiim u ah, waxayna danta UK ku jirtaa inay taageerto dadaallada dowladda Soomaaliya iyo maamullada gobollada ee wax looga qabanayo amni-xumada iyo taageeridda ka soo kabashada abaaraha iyo fatahaadaha oo waxyeello xooggan u geystay deegaanno badan oo Soomaaliya ka tirsan.
- Taageerida wax ka qabashada isbeddelada cimilada iyo dadaalada a samaynaayo ayaa aad muhiim ugu ah Soomaaliya, iyo mudnaanta horumarinta Xisbiga Labour ee ku saabsan cimilada, faqriga, iyo deynta ayaa muhiim noqon doonta inta aan ka shaqeyneyno inaan sii qoto dheereyno oo aan dib u cusbooneysiino iskaashiga iyo wada-shaqaynta UK iyo Soomaaliya.
Somaliland
- Waxaan aqoonsanahay taariikhda qiimaha leh ee ay reer Somaliland ku lahaayeen guud ahaan dalka UK taas oo ilaa maanta ka socota UK waxayna fure u yihiin qaar badan oo ka mid ah ururada iyo hay'adaha bulshada.
- Taageerada aan siineyno shacabka Somaliland si ay u helaan mustaqbal nabad ah oo dimoqraadi ah waa mid cad oo adag laakiin ugu dambaynta waa in Somaliland iyo Soomaaliya ay ka tashadaan mustaqbalkooda iyo xiriirkooda. Anaga maaha.
- Waxaan rabnaa iskaashi dhow oo wax tar leh si aan uga wada shaqeyno amniga iyo isbeddelada cimilada.
- Somaliland waa saxiib muhiim ah oo qiimo ganacsi, horumar iyo nabad-gelyo aan wadaago leh, oo xisbiga Labour ayaa sidaas oo kale doonayaan inay arkaan xidhiidhkaas oo qoto-dheerado.
- Waxa aanu aaminsannahay in ay dani ugu jirto dadka reer Somaliland iyo kuwa kaleba in la helo hannaan lagu ogaanayo maqaamka ugu dambeeya ee Somaliland ee laga aqbalayo mandaqada gobolka iyo caalamkaba, taas oo ku salaysan wada hadal nabadeed. Labour ayaa la shaqayn doonta saxiibadeena caalamka oo dhan, iyo gaar ahaan Midowga Afrika iyo dawladaha gobolka, si aan u taageerno habraacaas.
Gaza
Xisbiga Labour ayaa doonayso in colaadaha si joogta loo soo afjaro iyo in nabad iyo ammaan mustaqbalka fog lagu noolaado. Waxaan ku baaqayna
- Xabad joojin degdeg ah oo ay labada sameeyaan.
- Helitaanka gargaarka aan degdega ah oo Gaza la geeyo.
- In si degdeg ah loo sii daayo dhammaan la haystayaasha.
- In wax hub ah oo UK lagu leedahay aan laga iibin Israa'iil si loogu isticmaalo weerarka buuxa ee Rafah, oo haddii nala doorto, waxaan qiimayn doona talada sharciga ee dhoofinta hubka, waxaanan ku dhaqaaqi doonaa taladaas si aan u hubinno in UK ay ku daqanto shuruucdeeda gudaha iyo tan dibaddaba.
- Waa in la dhowraa shuruucda caalamiga ah, oo waa in madax-banaanida maxkamadaha caalamiga ah la ixtiraamaa, dhinac walbana lagula xisaabtamo wixii uu geystay.
- Aqoonsiga dawladda Falastiiniyiinta si ay qayb uga noqoto geeddi-socod nabadeed oo soo cusboonaatay taas oo keenta in la helo xal laba dawladood ah oo leh Israa’iil ammaan oo nabbadoon iyo dawlad Falastiini ah oo jirta oo madaxbannaan.
- Waxaan dib u eegis ku samayn doonaa mawqifka dowladda ingiriiska ee Xubinnimada Falastiiniyiinta ee Qaramada Midoobay taas oo hadda qeexaysa in tani ay dhacdo isla wakhtiga dowladda Ingiriisku u aqoonsanayo Falastiinsida dawlad ahaan. Waxaan rabnaa inaan helno habka ugu wanaagsan ee lagu hormarin karo aqoonsiga gudaha iyo xubinnimada Qaramada Midoobay labadaba.
Suudaan
- Waxaa uu Xisbiga Labur aad uga walaacsan yahay xaaladda xun ee ka taagaan Suudaan, oo ay ku jiraan warbixinnada naxdinta leh ee rabshadaha qowmiyadeed ee lala beegsaday, oo ay ku jiraan rabshadaha galmada ee ka dhacay Darfur. Khatarta xasuuqa ka jirta El Fasher ee waqooyiga Darfur waa mid aad u daran oo waxay Xisbiga Labour taageeri doonta dadaallada abaabulan ee degdeg ah oo ka timaada beesha caalamka.
- Waxa uu Xisbiga Labour garab taaganyahay dadka reer Suudaan kuwaas oo soo wada muujinta geesinimo iyo adkaysi aan caadi ahayn oo ay ugu taagan yihiin xuquuqdooda.
- Waxaan cambaareyneynaa xannibaadaha lagu soo rogay gargaarka bini'aadantinimo iyo dadaallada taageerada si loo yareeyo dhibaatada joogtada ah ee dadka barokacayaasha ah, oo ay sidoo kale ku jiraan kuwa deriska la ah ee sida dalalka Koonfurta Suudaan iyo Chad.
- Si joogto ah ayaan walaacayna ku aadan arrintan ugu gudbinnay baarlamaanka, annagoo ku caddaadinay dowladda inay ku guuldareysatay inay u diyaargarowdo colaadda iyo inay si wanaagsan gacan uga gaysato nabadda iyo ammaanka Suudaan.
- Xisbiga Labour ayaa taageeri doonaan dadaallada xoggan ee caalamiga ah ee ku aadan xabbad-joojin degdeg ah, ilaalinta ammanka dadka rayidka ah, isla-xisaabtanka ku aadan xadgudubyada sharciga caalamiga ah, iyo soo celinta maamul rayid hoggaaminaayo oo nabdoon.
Jamhuuriyadda Dimuqraadiga ah ee Kongo
- Xisbiga Labour ayaa aad uga walaacsan dhibaatada bini'aadantinimo daran ee ka taagan Jamhuuriyadda Dimuqraadiga ah ee Kongo.
- Waxaan ka warhayna oo ognahay barakicinta ballaaran ee dadka laga barakicinayo guryahooda iyo xadgudubyada galmada ee jira.
- Waxaan ku baaqayn helida iyo siinta gargaarka bini'aadantinimo iyo in la isla-xisaabtan ku aadan xadgudubyada shuruucda caalamiga ah.
- Waxaan cambaareyneynaa dhammaan noocyada taageerada dibadda ee kooxaha hubeysan ee xasilooni darrada ka wada bariga Jamhuuriyadda Dimuqraadiga ah ee Kongo. Waxaan la shaqayn doonaa saaxiibada caalamiga ah si aan u raadino nabad waarta, oo ay ku jirto taageerada dadaallada dublamaasiyadeed ee ka dhacay Luanda iyo Nairobi.
- Xisbiga Labour ayaa la shaqayn doonta dawladda Jamhuuriyadda Dimuqraadiga ah ee Kongo, deriskeeda, iyo dalaalka gobolka iyo kuwa caalamiga ah, si aan u taageerno dadaallada kala duwan oo caddaalad iyo nabad ah oo u wanaagsan UK, shacabka Kongo, iyo dalalka gobolka oo dhan.